૨૧ મી સદીમાં પણ હજુ આપણા સમાજમાં પ્રવર્તતી ખોટી માન્યતાઓ માટે જાણવું જરુરી છે.
- માતાની માંદગીમાં શિશુને સ્તનપાન બંધ કરાવવું જોઈએ.
- ફોર્મ્યુલા દૂધ, પ્રોટીનના ડબ્બા અને વિટામીન સિરપોથી બાળકનો વૃદ્ધિ અને વિકાસ સારો થાય.
- ઓરી કે અછબડામાં નવડાવવું ન જોઈએ તેમજ માત્ર પ્રવાહી જ આપવું જોઈએ.
- બાળકમાં દાંત આવે એટલે ઝાડા થાય જ. સારા દાંત આવે તે માટે મમરી જરુરી છે.
- આંખોનું તેજ વધારવા સુરમો કે આંજણ(મેશ) આંજવા જોઈએ.
- બાળકોમાં ગળ્યું ખાવાથી કરમિયા થાય.
- રસીમાં તાવ આવે તો જ રસીની અસર સારી થઈ ગણાય.
- એક વખત લોહી ચઢાવ્યું હોય પછી તેને વાંરવાર લોહી ચઢાવવું જ પડે.
- બાળકે નાનપણથી થોડું તીખું અને થોડું કડવું ખાવું જ જોઈએ.
- કેન્સર થયેલા અને HIV પોઝીટીવ દર્દીથી બાળકને દુર રાખવું, તેમના અડવાથી ચેપ લાગે.
- કાયમ ઉકાળેલું પાણી પીવાથી બાળકની રોગપ્રતિકારક શક્તિ ઘટી જાય.
- કાન દુખે તો કાનમાં તેલ અને દિવેલ નાખવું જોઈએ.
- વાગ્યા પર હળધર અને બળેલું રૂ લગાવવું.
- ઉલટી કે ઝાડા થવા દેવા, શરીરની ગંદકી અને કફ નીકળી જાય.
- એક વાર તો ઓરી કે અછબડા નીકળવા જ જોઈએ. શરીરની ગરમી નીકળી જાય.
- બાળકને વિવિધ ગ્રાઇપ વોટર તેમજ ગળથુથી આપવી જેથી તેની પાચનશક્તિ સારી થાય.
- ઝાડા – ઉલ્ટીમાં ખસખસ, કોફી અને જાયફળ આપવું જોઈએ.
- ટીવી જોવાથી આંખના નંબર વધે.
- કબજીયાત વાળા બાળકને દિવેલ કે સાબુની ગોટલી મુકવી જોઈએ.
- ગભરાશો નહીં ઉપરોક્ત બધી જ માન્યતાઓ ખોટી છે.
ધાવણ આપતી માતા માટે ખોટી માન્યતા અને સાચી હકીકત
- ખોટી માન્યતા :
ઓફીસ જતી માતા અથવા એક દિવસ ધાવણ નાં આપી શકી હોય તે માતાનું ફીડીંગ ભરાયેલું ફીડીંગ કહેવાય. તે બાળકને નુકશાન કરે.
હકીકત :
અમુક કલાકો સુધી ફીડીંગ ના આપેલું હોય તે ચઢેલું કે ભરાયેલું ધાવણ પણ ગુણવત્તાયુક્ત હોય છે તે ક્યારેય બાળકને તકલીફ કરતું નથી.
- ખોટી માન્યતા :
માતાને શરદી થઇ હોય, ઝાડા થયા હોય અથવા માતા એન્ટીબાયોટીકસ કે પેઈન કિલર લેતી હોય તો બાળકને ફીડીંગ ના અપાય.
સાચી હકીકત :
ઉપરની બધી જ સ્થિતિમાં બાળકને ફીડીંગ અપાય. માતાને ડેન્ગ્યું, ટાયફોઇડ કે મેલેરિયા હોય તેમાં પણ ધાવણ ચાલુ રખાય.
- ખોટી માન્યતા :
જોડિયા બાળકમાં ધાવણ ઓછુ પડે તેમને ફરજીયાત બહારનું દૂધ આપવું જ પડે.
હકીકત :
જોડિયા બાળકોને પણ જરૂર હોય તેટલું ધાવણ માતાને બને જ.
બાળકો જેટલું (suck) ચુસસે વધુ તેટલું ધાવણ વધુ બનશે. બાળકની જરૂરિયાત પ્રમાણે માતામાં ધાવણ બને તેવી સુંદર ગોઠવણ ઈશ્વરે કરી જ છે. બહારનું દૂધ આપવાની જરૂર નથી.
- ખોટી માન્યતા :
બ્રેસ્ટમાં હેવીનેસ નથી લાગતી, ધાવણ લીધા પછી બાળક આંગળીઓ મોમાં નાખે છે તો માતાને ધાવણ ઓછુ બનતું હશે?
હકીકત :
ઘણી માતામાં બ્રેસ્ટ ખાલી જ રહે. પણ બાળક ચુસવાનું શરુ કરે ત્યારે જ ધાવણ બને. બનેલું ધાવણ બાળક લઈ લે એટલે બ્રેસ્ટમાં હેવીનેસ ફિલ ના પણ થાય. સંતોષજનક ફીડીંગ લીધા પછી પણ બાળક આંગળીઓ મોમાં નાખશે. બન્ને કિસ્સામાં માતાને ધાવણ ઓછુ નથી.
