શું કરવું?
- આપણે બાળકને વજન વધારવા માટે નહીં પણ તેના સાર્વત્રિક વિકાસ માટે જમાડીએ છીએ.
- તે માટે તે ખોરાક આનંદથી (એન્જોય કરીને) લે તે જરુરી છે.
- કુટુંબના બધા જ સભ્યોએ ઓછામાં ઓછી એક વખત તો સાથે બેસીને જમવું.
- બાળકની સામે કુટંબની વ્યક્તિએ કાચ કે પ્લાસ્ટિકના આરપાર દેખાય તેવા વાડકામાં જમવું.
- વાડકામાં શું ખાવાનું છે? ક્યા કલરનું છે? જાડું કે પાતળું છે તે જોઇને બાળકને તે જ વસ્તુ ખાવાની ઈચ્છા અને આકર્ષણ થશે.
- બાળકના હાથમાં ચમચી પકડાવી તેની મેતે જમતા શીખવા દેવું. ભલે ઢોળાય.
- ઘરના બનાવેલા નાસ્તા જેમ કે ચકરી, ફરસી પૂરી કે ચિક્કી જેવા ખોરાક કાચના કે પ્લાસ્ટિકના ડબ્બામાં ભરી મુખ્ય ડાયનીંગ ટેબલ પર બાળકની નજર વારંવાર પડે તેમ રાખવા.
- ઘરના ખોરાકમાં વાંરવાર વિવિધતા લાવવી.
- બાળકના ખોરાકમાં પુરતું પ્રવાહી, પ્રોટીન, લોહતત્વ અને રેસા આવે તેનું ખાસ ધ્યાન રાખવું.
- મોટી દીકરી હોય તો રસોઈ બનાવતી વખતે તેની મદદ લેવી.
- તેની પાસે ગોળ કે મીઠું કે મસાલો બનતી રસોઈમાં કરાવવો.
- તેની પાસે પીરસાવવું.
- ઘરના બનેલા નાસ્તા, ખાખરા કે મગસ તેની પાસે ડબ્બામાં ભરાવવા.
શું ના કરવું?
- જમાડતી વખતે જરાપણ દબાણ ના કરવું.
- બાળકને ભાવે તે જ ખોરાક, તેટલી જ માત્રામાં અને તેના સમયે લેવા દેવો.
- બાળકને ખોરાકનો વધુ જથ્થો આપવાનો પ્રયત્ન ના કરવો.
- તે ખોરાકની વધુ માત્રા લેશે તો વધુ વજન વધશે તે માન્યતા ખોટી છે.
- તેને માટે બનાવેલ ખોરાક તે પૂરો કરે જ તે માટે તેનું ધ્યાન બીજે દોરી તેના પર દબાણ કરવાનો પ્રયત્ન ના કરવો.
- તેને નાં જમવું હોય તો નજર ચૂકવીને કે પરાણે તેના મોમાં ખાવાનું નાખવું કે ખોસવું નહીં.
- બાળક નાં જમે તો જુદા જુદા સભ્યોએ વાંરવાર પ્રયત્ન કરવાનું વર્તન નાં કરવું.
- જેમ માતાપિતાના પ્રયત્નો વધુ તેમ બાળકની જમવાની ઈચ્છા ઓછી હોય છે.
- જેમ માતાપિતાના જમાડવાના પ્રયત્નો ઓછા તેમ બાળકની જમવાની ઈચ્છા વધુ હોય છે.
- બાળક ઘરનું ના જમે તો તેના બદલામાં નુડલ્સ કે વેફરના પેકેટ ખાવા નહીં દેવા.
- બાળક ના જમે તો ટીવી કે મોબાઈલ બતાવી ના જમાડવો.
- ચોકલેટ કે બહાર લઈ જવાની લાલચ આપી ના જમાડવો.
