બાળકને શીશીથી દૂધ કેમ ના અપાય?

• શીશી (બોટલ) થી દૂધ પીતા બાળકો તરત જ માતાનું ધાવણ ચુસવાનું બંધ કરી દે છે.
• બોટલમાં દૂધ પીતી વખતે બાળકે બોટલની નીપલ ફક્ત દબાવવાની હોય છે.
• માતાનું દૂધ પીતી વખતે બાળકે માતાની નીપલ દબાવવાની અને ખેંચવાની (sucking) હોય છે.
• માતાનું દૂધ લેવામાં વધુ મહેનત કરવી પડે છે અને બોટલથી વધુ સહેલાઈથી દૂધ મળે આથી બાળક માતાની નીપલ ચુસવાનું છોડી દે છે.
• માતાનું ધાવણ બાળક નીપલ ચૂસે તેનાથી બને છે.
• ધીરે ધીરે ચુસવાનું ઓછુ થવાને લીધે ધાવણ બનવાનું પણ ઓછુ થઇ જાય છે.
• બાળકમાં શ્વાસ અને પેટના ચેપ લાગવાની શક્યતા વધુ રહે છે.
• બાળકને ગેસ તેમજ ઉલટી થવાની શક્યતા વધુ રહે છે.
• છ માસ બાદ જ્યારે ઉપરથી ખોરાક શરુ કરવાનો હોય ત્યારે બોટલથી દૂધ લીધેલ બાળકોને નવો ખોરાક ચાવતા અને ઉતારતા અઘરું પડે છે.
• શીશીથી દૂધ પીતા બાળકો થોડા ચીડિયા, અધીરા અને ગુસ્સાવાળા હોય છે.
• આ બાળકોને દાંતના રોગોની શક્યતા વધુ રહે છે.
• આ બાળકો આત્મવિશ્વાસથી બોલતા પણ મોડું અને અટકતા બોલતા શીખે છે.
• શીશીથી દૂધ પીતા બાળકો ભલે વજનમાં તંદુરસ્ત લાગે પણ તેમના માતાપિતાએ કોઈ પણ કારણોસર હોસ્પિટલના ધક્કા વધુ ખાવા પડે છે.